حوسه البنات اذا راحوا لزواج

moon-ksa · 09-18-2008, 01:56 AM

لما تجيك دعوة الى حضور حفل زفاف لاحد الاشخاص

فإن الحريم في المنزل يعلنون حالة الطوارئ في اليوم الموعود

فتلقاهم صافين طابور عند باب الحمام .. من أجل أخذ دش بارد

<<< لانهم مؤمنات بالقاعدة الفيزيائية

التي تقول : ان الاجسام تتقلص بفعل البرودة

*******************

ثم يهبون الى غرفة العمليات

فتحصلهم مايخلون مراية في حالها ..

** فتلقى منيرة عند مراية التسريحة تتمكيج

** وخلود عند مراية الدولاب تركب عدساتها

** ورقية عند مراية المدخل حق البيت تستشور شعرها

** وفاطمة محتارة أي فستان تلبس

وكلما اختاروا لها فستان .. قالت : لا .. قد شافوه عليّ

** ورغد تترجى اخوها : تكفى ود فستاني للمغسلة

وقول لهم يخلونه مستعجل

** وابتسام متوهقة مالقت الحلق اللي يناسب لون فستانها

** وشوق تقول لاخوها : تكفى مر على جارتنا

وخذ من عندها الاكسسوار التفاحي

** وهنوف .. انفرط سحاب فستانها .. وتبي الخياط يصلحه

<<< والله من السمنة الزايدة

*****************

وصجة .. ولجة .. وحوسة ...

وكلهم في سباق مع الزمن ..

( طبعا ياعيني عالرجال .. ثوب وشماغ .. وانتهت السالفة )

************************************

بعد ذلك .. يركبون السيارة بعد ما بح صوت ابوهم

وهو يناديهم ..

** والمصيبة اذا اخذوا مسافة بالسيارة وجتك فاطمة

تشهق شهقة قوية .. ويقولون : اشفيييييك

وترد عليهم : نسيت شنطتي تكفى يبه رجعنا للبيت

********************

وبعد عناء طويل يصلون الى القصر ويدخلون

******************

ومن يوم تبدأ الطقاقة بقرع الطبول

تلقى الوحدة تهزّ .. وتهتز وهي لسّا باقي على الكرسي

**********************

ثم يتوافدون الى المسرح .. وشف الرقص كيف

** اللي تحط رجلها من شرق المسرح الى غربه

ولا احد يدري اش بلاها

**********

** واللي تهز وهي واقفة مكانها بركاااادة .. وعلى بالها أنوثة ..

******************

وتعال شفهم اذا غنت الطقاقة .. ( يالتكسي )

وقالت : وخذ يمين و بعد يمين ..

تلقا الحريم فعلا ماخذين اللفة يمين في يمين

<<< طبعا من غشامتهم .. يتصاقعون في بعض

************

والوحدة فيهم بتتشقق من الفرحه اذا جت الطقاقة بجنبها

وقالت : يا احمر يا احمر .. عاشو .. على قلبي

<< طبعا الافندية فستانها احمر ..

*****************

** وتلقا ثنتين هناك يرقصون نفس رقص العراقيات في عرب شمّر

وطبعا العجايز منصدمات .. ومافيه الا قوة دعاوي على هالبنات

**************

** واذا جت اغنية مصرية ..

تلقا الاغنية والايقاع في وادي .. والرقص في واد آخر

الا من رحم الله ..

<< واللي تعرف ترقص مصري .. تلقى البنات يتشحثونها تقوم

وهي ترفض ..

طبعا من حقها .. تخاف يصكونها بعين على كيفك
***********

والوناسة اذا قالت الطقاقة : ( رقصة خاصة لاهل العروس )

تلقاهم يستلجون اذا قالت : ( كل آل " فلان " خيّالة )

<<< وهم في الحقيقة .. لم يركبوا حصانا قط ..

بس يالله لزوم المدح

09-18-2008, 11:27 AM

منيره,خلود,فاطمه,رقيه,رغد,ابتسام,شوق,هنوف

هم كم بنت؟؟

نسيتي تذكرين الوالده و خواتهم الصغار

شكراااا لك

09-18-2008, 03:05 PM

والله حووسه ههههههههههههههههههههههههه ولخبطه

:) موضوع كوووول

أدوات الموضوع
مشاهدة صفحة طباعة الموضوع أرسل هذا الموضوع إلى صديق
طرق مشاهدة الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تدرون وش طعم الحياة بدون البنات	moon-ksa	الخواطر والنثر	12	01-04-2009 08:24 PM
انواع البنات	فتون	المرح والتسليه	10	06-24-2008 07:57 AM
الوقاية من أمراض البنات .للشباب فقط	سمــ المعاني ــو	قضايا إجتماعيه	4	05-26-2007 12:53 AM
قصيده عن البنات بس ادخلو ياشباب عشان تعرفوا البنات	الإمبراااطورهـ	الخواطر والنثر	1	12-19-2006 05:40 PM
أسماء البنات في أبيات	المحب للقيصر	همس القوافي	7	12-31-2005 10:31 PM

الذين يشاهدون محتوى الموضوع الآن : 1 ( الأعضاء 0 والزوار 1)